वडगाव पाटण. ..अतिशय छान अस एक गाव एक गाव. बुलढाणा जिल्‌ह्यातील जळगाव जामोद तालुक्यातील सातपुड्याच्या पायथ्याशी वसलेलं एक छोटसं गाव. वडगाव पाटण हे गाव जळगाव जामोद तालुक्यातील पश्चिमेकडील सर्वात शेवटचे, विदर्भ आणि खान्देश च्या सीमेवर आहे. त्यामुळे येथील लोकांची बोली भाषा वन्हाडी असून त्यामध्ये खान्देशी भाषेची काहीशी झलक आपल्याला पाहायला मिळते. वडगाव पाटण गावची ग्रामपंचायत हि गटग्रामपंचायत आहे. सदर ग्रामपंचायत अंतर्गत वडगाव पाटण आणि पाटण व परशरामपूर या तीन गावांचा समावेश असून ग्रामपंचायत ची २०११ नुसार लोकसंख्या १७६० एवढी आहे. गावाचे तालुक्यापासुंचे अंतर ३ किमी आहे. शेती हा इथला मुख्य व्यवसाय आहे. जवळच पुर्णा नदी वाहत असल्याने खुप मोठ्या प्रमाणात जमीन पाण्याखाली आहे.